“Qalatasaray”da prezident seçkiləri təxirə salındı

Türkiyənin “Qalatasaray” klubunda prezident seçkiləri təxirə salınıb.

Apasport.az saytının məlumatına görə, buna səbəb koronavirus pandemiyası göstərilib.

Klubun İdarə Heyəti 19-26 dekabr tarixlərində növbədənkənar seçkiləri təşkil etməyi planlaşdırırdı. Lakin koronavirus pandemiyası səbəb göstərilərək, seçkilərin ən azı 2021-ci il fevralın 28-nə qədər keçirilməyəcəyi açıqlanıb.

Qeyd edək ki, “Qalatasaray”ın hazırkı prezidenti Mustafa Cengizdir.